aasman par hai dimagh us ka KHud-arai ke sath

āsmāñ par hai dimāġh us kā ḳhud-ārā.ī ke saath

maah ko taulegā shāyad apnī ra.anā.ī ke saath

sair kar aalam kī ġhāfil dīdanī hai ye tilism

lutf hai in donoñ āñkhoñ kā to bīnā.ī ke saath

dil kahīñ hai jaañ kahīñ hai maiñ kahīñ āñkheñ kahīñ

dostī achchhī nahīñ mahbūb harjā.ī ke saath

is meñ zikr-e-yār hai is meñ ḳhayāl-e-yār hai

apnī ḳhāmoshī bhī ham-palla hai goyā.ī ke saath

ahd-e-pīrī meñ vo aalam naujavānī kā kahāñ

valvale jaate rahe saarī tavānā.ī ke saath

dīda-e-āhū kahāñ vo añkhḌiyāñ kaalī kahāñ

kyā muqābil kījiye shahrī ko sahrā.ī ke saath

dil nahīñ gurg-e-baġhal hai zabt se ḳhuuñ kar use

kār-e-dushman karte haiñ ai dost dānā.ī ke saath

ek bose par garebāñ-gīr ai nādāñ na ho

terī rusvā.ī bhī hai āshiq kī rusvā.ī ke saath

dil to dīvāna hai 'ahqar' tū bhī dīvāna na ho

koī saudā.ī banā kartā hai saudā.ī ke saath

aasman par hai dimagh us ka KHud-arai ke sath

mah ko taulega shayad apni ranai ke sath

sair kar aalam ki ghafil didani hai ye tilism

lutf hai in donon aankhon ka to binai ke sath

dil kahin hai jaan kahin hai main kahin aankhen kahin

dosti achchhi nahin mahbub harjai ke sath

is mein zikr-e-yar hai is mein KHayal-e-yar hai

apni KHamoshi bhi ham-palla hai goyai ke sath

ahd-e-piri mein wo aalam naujawani ka kahan

walwale jate rahe sari tawanai ke sath

dida-e-ahu kahan wo ankhDiyan kali kahan

kya muqabil kijiye shahri ko sahrai ke sath

dil nahin gurg-e-baghal hai zabt se KHun kar use

kar-e-dushman karte hain ai dost danai ke sath

ek bose par gareban-gir ai nadan na ho

teri ruswai bhi hai aashiq ki ruswai ke sath

dil to diwana hai 'ahqar' tu bhi diwana na ho

koi saudai bana karta hai saudai ke sath