aasmanon aur zamin ko sath rakh

āsmānoñ aur zamīñ ko saath rakh

ho sake to is yaqīñ ko saath rakh

kaam ā.ūñgā maiñ mushkil meñ tire

mere jaise ham-nashīñ ko saath rakh

jo ḳhirad kī baat tak karte nahīñ

tū hī aise jāhiloñ ko saath rakh

dost jis meñ saañp kī sūrat meñ hoñ

tū na aisī āstīñ ko saath rakh

tū hai darvesh-e-anā-parvar so tū

kāsa-o-nān-e-javīñ ko saath rakh

'asġhar'-e-be-ḳhānumāñ kā thaam haath

'umr-bhar is nukta-chīñ ko saath rakh

aasmanon aur zamin ko sath rakh

ho sake to is yaqin ko sath rakh

kaam aaunga main mushkil mein tere

mere jaise ham-nashin ko sath rakh

jo KHirad ki baat tak karte nahin

tu hi aise jahilon ko sath rakh

dost jis mein sanp ki surat mein hon

tu na aisi aastin ko sath rakh

tu hai darwesh-e-ana-parwar so tu

kasa-o-nan-e-jawin ko sath rakh

'asghar'-e-be-KHanuman ka tham hath

'umr-bhar is nukta-chin ko sath rakh