aasuda dil mein uThne laga iztirab kya
āsūda dil meñ uThne lagā iztirāb kyā
is zindagī meñ ho gayā shāmil shitāb kyā
qāsid ke haath apnā ye paiġhām sauñp kar
phir sochte raho ki ab aa.e javāb kyā
us kā hai fazl zarra jo chamke ba-sān-e-zar
hai varna kyā ye maah bhī aur āftāb kyā
hai niiñd se koī bhī ta.alluq nahīñ mirā
har dam ye chashm-e-vā meñ ubhartā hai ḳhvāb kyā
kyā fat.h-yāb ho sakā hai koī teġh se
phir bhī hai darmiyān-e-mamālik zirāb kyā
hogā jo e'tibār ta.ammul rahegā kyā
kāmil supurdagī ho to sharm-o-hijāb kyā
mumkin kahāñ ho haath meñ 'nāqid' tire qur.āñ
kāfir batā hai sāmne tere kitāb kyā
aasuda dil mein uThne laga iztirab kya
is zindagi mein ho gaya shamil shitab kya
qasid ke hath apna ye paigham saunp kar
phir sochte raho ki ab aae jawab kya
us ka hai fazl zarra jo chamke ba-san-e-zar
hai warna kya ye mah bhi aur aaftab kya
hai nind se koi bhi talluq nahin mera
har dam ye chashm-e-wa mein ubharta hai KHwab kya
kya fath-yab ho saka hai koi tegh se
phir bhi hai darmiyan-e-mamalik zirab kya
hoga jo e'tibar tammul rahega kya
kaamil supurdagi ho to sharm-o-hijab kya
mumkin kahan ho hath mein 'naqid' tere quran
kafir bata hai samne tere kitab kya
- Book : Khwaahish-e-Parwaaz Urge to Fly (Pg. 86)
- Author : Aditya Pant Naaqid
- Edition : 2014
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
