aata hai nazar anjam ki saqi raat guzarne wali hai
aata hai nazar anjam ki saqi raat guzarne wali hai
Zulfiqar Ali Bukhari
MORE BYZulfiqar Ali Bukhari
aatā hai nazar anjām ki saaqī raat guzarne vaalī hai
baaqī hai ḳhudā kā naam ki saaqī raat guzarne vaalī hai
ḳhurshīd ko jaam se sharmā.eñge shaam ko terā va.ada thā
īfā-e-ahd-e-shām ki saaqī raat guzarne vaalī hai
ham kitnī piine vaale haiñ tum kitnī pilāne vaale ho
ye raaz hai tasht-az-bām ki saaqī raat guzarne vaalī hai
ai rindo haath pe haath dhare kyā saaqī kā muñh takte ho
mahfil meñ mache kohrām ki saaqī raat guzarne vaalī hai
ye raah par aa hī jā.egā tū zāhid se māyūs na ho
uTh le ke ḳhudā kā naam ki saaqī raat guzarne vaalī hai
ye barham hone vaalī mahfil yuuñ bhī barham ho jaatī
ham kah ke hue badnām ki saaqī raat guzarne vaalī hai
ab koī nahīñ sannāTā hai tāroñ kī āñkheñ jhapkī haiñ
chal saath mire do-gām ki saaqī raat guzarne vaalī hai
aata hai nazar anjam ki saqi raat guzarne wali hai
baqi hai KHuda ka nam ki saqi raat guzarne wali hai
KHurshid ko jam se sharmaenge sham ko tera wada tha
ifa-e-ahd-e-sham ki saqi raat guzarne wali hai
hum kitni pine wale hain tum kitni pilane wale ho
ye raaz hai tasht-az-baam ki saqi raat guzarne wali hai
ai rindo hath pe hath dhare kya saqi ka munh takte ho
mahfil mein mache kohram ki saqi raat guzarne wali hai
ye rah par aa hi jaega tu zahid se mayus na ho
uTh le ke KHuda ka nam ki saqi raat guzarne wali hai
ye barham hone wali mahfil yun bhi barham ho jati
hum kah ke hue badnam ki saqi raat guzarne wali hai
ab koi nahin sannaTa hai taron ki aankhen jhapki hain
chal sath mere do-gam ki saqi raat guzarne wali hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
