aata hai yun shabab kisi gul-e-ezar ka

aatā hai yuuñ shabāb kisī gul-e-ezār kā

khiltā hai jaise phuul chaman meñ bahār kā

hāsil na āshiqoñ ko huā vasl yaar kā

dekhā na bulbuloñ ne tamāshā bahār kā

sarshār aisī nik.hat-e-gul se huī hai aaj

miltā nahīñ mizāj nasīm-e-bahār kā

is tarah ḳhatm hotī haiñ ghaḌiyāñ surūr kī

jaise chaman se guzre zamāna bahār kā

girte haiñ zard patte ki shāḳheñ hoñ sabz phir

paiġhām de rahī hai ḳhizāñ bhī bahār kā

chalte hī chalte us ne girah sab kī khol dī

ehsāñ hai har kalī pe nasīm-e-bahār kā

baiThe haiñ bāda-nosh chale daur sāqiyā

sahn-e-chaman meñ ḳhema hai abr-e-bahār kā

aata hai yun shabab kisi gul-e-ezar ka

khilta hai jaise phul chaman mein bahaar ka

hasil na aashiqon ko hua wasl yar ka

dekha na bulbulon ne tamasha bahaar ka

sarshaar aisi nikhat-e-gul se hui hai aaj

milta nahin mizaj nasim-e-bahaar ka

is tarah KHatm hoti hain ghaDiyan surur ki

jaise chaman se guzre zamana bahaar ka

girte hain zard patte ki shaKHen hon sabz phir

paigham de rahi hai KHizan bhi bahaar ka

chalte hi chalte us ne girah sab ki khol di

ehsan hai har kali pe nasim-e-bahaar ka

baiThe hain baada-nosh chale daur saqiya

sahn-e-chaman mein KHema hai abr-e-bahaar ka