aawara-e-ghurbat hun Thikana nahin milta

āvāra-e-ġhurbat huuñ Thikāna nahīñ miltā

nāvak huuñ mujhe koī nishāna nahīñ miltā

jin logoñ meñ rahtā huuñ maiñ un meñ se nahīñ huuñ

huuñ kaun mujhe apnā zamāna nahīñ miltā

dīvār to is daur meñ miltī hai ba-har-gām

lekin tah-e-dīvār ḳhazāna nahīñ miltā

muddat se hai ashkoñ kā talātum pas-e-mizhgāñ

rone ke liye koī bahāna nahīñ miltā

muddat se tamannā hai ki ye bojh utāreñ

muddat se koī dost purānā nahīñ miltā

hai raḳhsh subuk-sair bahut umr-e-ravāñ kā

gir jaa.e koī shai to uThānā nahīñ miltā

aawara-e-ghurbat hun Thikana nahin milta

nawak hun mujhe koi nishana nahin milta

jin logon mein rahta hun main un mein se nahin hun

hun kaun mujhe apna zamana nahin milta

diwar to is daur mein milti hai ba-har-gam

lekin tah-e-diwar KHazana nahin milta

muddat se hai ashkon ka talatum pas-e-mizhgan

rone ke liye koi bahana nahin milta

muddat se tamanna hai ki ye bojh utaren

muddat se koi dost purana nahin milta

hai raKHsh subuk-sair bahut umr-e-rawan ka

gir jae koi shai to uThana nahin milta