aawargi ke naqsh ubhar kar bikhar gae

āvārgī ke naqsh ubhar kar bikhar ga.e

vo shab-guzār log na jaane kidhar ga.e

tajdīd-e-dostī ke sabab ye huā zarūr

kuchh zaḳhm taaza ho ga.e kuchh zaḳhm bhar ga.e

aa.e to hāthoñ-hāth liyā aur dam-e-vidā’

kāñdhoñ pe sab uThā.e hameñ chhoḌ kar ga.e

vo din bhī the ki madd-e-muqābil na thā koī

ye din bhī hai ki aa.ina dekhā to Dar ga.e

hamdard ġham-gusār mizāj-āshnā rafīq

kuchh log ās-pās the jaane kidhar ga.e

sar-basta raaz hī rahī ham par hamārī zaat

ham be-ḳhabar hī aa.e the aur be-ḳhabar ga.e

gumnām kar na paa.e to badnām kar diyā

ahbāb mere haq meñ baḌā kaam kar ga.e

'ḳhālid' jo kah rahe the ki hai 'umr-bhar kā saath

afsos merā saath vahī chhoḌ kar ga.e

aawargi ke naqsh ubhar kar bikhar gae

wo shab-guzar log na jaane kidhar gae

tajdid-e-dosti ke sabab ye hua zarur

kuchh zaKHm taza ho gae kuchh zaKHm bhar gae

aae to hathon-hath liya aur dam-e-wida’

kandhon pe sab uThae hamein chhoD kar gae

wo din bhi the ki madd-e-muqabil na tha koi

ye din bhi hai ki aaina dekha to Dar gae

hamdard gham-gusar mizaj-ashna rafiq

kuchh log aas-pas the jaane kidhar gae

sar-basta raaz hi rahi hum par hamari zat

hum be-KHabar hi aae the aur be-KHabar gae

gumnam kar na pae to badnam kar diya

ahbab mere haq mein baDa kaam kar gae

'KHalid' jo kah rahe the ki hai 'umr-bhar ka sath

afsos mera sath wahi chhoD kar gae