aawe jo naz se mera wo but-e-sim-bar ba-bar
aave jo naaz se mirā vo but-e-sīm-bar ba-bar
kaahe ko le phire mujhe merā nasīb dar-ba-dar
chashm-ba-chashm rū-ba-rū sīna-ba-sīna dil-ba-dil
sāq-ba-sāq-o-lab-ba-lab pā.e-ba-pā.e sar-ba-sar
tum to raho ho mehrbāñ ġhair ke saath is tarah
aur maiñ phirūñ huuñ ḳhvār-o-zār ḳhāna-ba-ḳhāna ghar-ba-ghar
ai but-e-mehr-vash kabhī Tuk to nigāh garm ho
ashk se kab talak raheñ dāman-o-jeb tar-ba-tar
dām-e-balā se ab 'baqā' ham se asiir kab chhuTeñ
rishta-e-ġham se guth ga.e bāl-ba-bāl par-ba-par
aawe jo naz se mera wo but-e-sim-bar ba-bar
kahe ko le phire mujhe mera nasib dar-ba-dar
chashm-ba-chashm ru-ba-ru sina-ba-sina dil-ba-dil
saq-ba-saq-o-lab-ba-lab pae-ba-pae sar-ba-sar
tum to raho ho mehrban ghair ke sath is tarah
aur main phirun hun KHwar-o-zar KHana-ba-KHana ghar-ba-ghar
ai but-e-mehr-wash kabhi Tuk to nigah garm ho
ashk se kab talak rahen daman-o-jeb tar-ba-tar
dam-e-bala se ab 'baqa' hum se asir kab chhuTen
rishta-e-gham se guth gae baal-ba-baal par-ba-par
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
