aaya na rah par wo sitamgar kisi tarah

aaya na raah par vo sitamgar kisī tarah

sīdhā huā na apnā muqaddar kisī tarah

sar phoḌiye ki khīñchiye naale firāq meñ

hogā na vasl-e-yār mayassar kisī tarah

qātil ne koshisheñ to hazāroñ hī kiiñ magar

niklā na dam mirā tah-e-ḳhanjar kisī tarah

badlā leñ un butoñ se sitam kā to ḳhuub ho

sun le hamārī dāvar-e-mahshar kisī tarah

vahshat ne laakh laakh ubhārā hameñ magar

chhoḌā na ham ne kūcha-e-dilbar kisī tarah

minnat bhī kī ḳhushāmadeñ bhī kiiñ hazār baar

aaya na mere ghar vo sitamgar kisī tarah

'shabnam' vahī hai us kī kachāvaT abhī talak

badle na ham ne yaar ke tevar kisī tarah

aaya na rah par wo sitamgar kisi tarah

sidha hua na apna muqaddar kisi tarah

sar phoDiye ki khinchiye nale firaq mein

hoga na wasl-e-yar mayassar kisi tarah

qatil ne koshishen to hazaron hi kin magar

nikla na dam mera tah-e-KHanjar kisi tarah

badla len un buton se sitam ka to KHub ho

sun le hamari dawar-e-mahshar kisi tarah

wahshat ne lakh lakh ubhaara hamein magar

chhoDa na hum ne kucha-e-dilbar kisi tarah

minnat bhi ki KHushamaden bhi kin hazar bar

aaya na mere ghar wo sitamgar kisi tarah

'shabnam' wahi hai us ki kachawaT abhi talak

badle na hum ne yar ke tewar kisi tarah