aaya tha dil mein wasl ki tadbir ka KHayal

aayā thā dil meñ vasl kī tadbīr kā ḳhayāl

ulTā magar thā kātib-e-taqdīr kā ḳhayāl

jis ko ho us kī zulf-e-girah-gīr kā ḳhayāl

ḳhātir meñ kyā vo lā.egā zanjīr kā ḳhayāl

ham 'āshiqoñ ko nāla-o-shevan se kyā ġharaz

apnā to kaam hai tirī tauqīr kā ḳhayāl

aisā lagā ki jaise hoñ paanī pe kuchh nuqūsh

aayā mujhe jo aap kī tahrīr kā ḳhayāl

shauq-e-sitam meñ bhuul gayā vo har ek shai

tarkash kā hai na tiir na naḳhchīr kā ḳhayāl

māyūsiyoñ ne gher liyā jis marīz ko

us kī nazar meñ hech hai iksīr kā ḳhayāl

kyā kyā na vasvasoñ ne Darāyā tamām raat

aayā mujhe jo ḳhvāb kī tā'bīr kā ḳhayāl

sohān-e-rūh us kā taġhāful huā kare

har jān-e-jāñ hai us but-e-be-pīr kā ḳhayāl

chāhā thā jis ko ham ne parastish kī had talak

us kī nazar meñ ab bhī hai tā'zīr kā ḳhayāl

fikr-e-suḳhan karūñ huuñ maiñ jab bhī kabhī 'tamīz'

hotā hai ās-pās mire 'mīr' kā ḳhayāl

aaya tha dil mein wasl ki tadbir ka KHayal

ulTa magar tha katib-e-taqdir ka KHayal

jis ko ho us ki zulf-e-girah-gir ka KHayal

KHatir mein kya wo laega zanjir ka KHayal

hum 'ashiqon ko nala-o-shewan se kya gharaz

apna to kaam hai teri tauqir ka KHayal

aisa laga ki jaise hon pani pe kuchh nuqush

aaya mujhe jo aap ki tahrir ka KHayal

shauq-e-sitam mein bhul gaya wo har ek shai

tarkash ka hai na tir na naKHchir ka KHayal

mayusiyon ne gher liya jis mariz ko

us ki nazar mein hech hai iksir ka KHayal

kya kya na waswason ne Daraya tamam raat

aaya mujhe jo KHwab ki ta'bir ka KHayal

sohan-e-ruh us ka taghaful hua kare

har jaan-e-jaan hai us but-e-be-pir ka KHayal

chaha tha jis ko hum ne parastish ki had talak

us ki nazar mein ab bhi hai ta'zir ka KHayal

fikr-e-suKHan karun hun main jab bhi kabhi 'tamiz'

hota hai aas-pas mere 'mir' ka KHayal