aaya tha koi zehn tak aa kar palaT gaya
aayā thā koī zehn tak aa kar palaT gayā
lekin bisāt-e-dil to hamārī ulaT gayā
haa.e vo sail-e-ashk jo palkoñ pe tham gayā
āñkhoñ meñ apnī aaj samundar simaT gayā
phailā.e ham khaḌe rahe palkoñ kī jholiyāñ
aayā umaD ke abr magar vo bhī chhaT gayā
terī galī meñ terā tasavvur kiye hue
ik shaḳhs aap saa.e se apne lipaT gayā
dasht-e-hayāt se koī guzrā hai is tarah
gard-e-qadam se vaqt kā chehra bhī aT gayā
aaya tha koi zehn tak aa kar palaT gaya
lekin bisat-e-dil to hamari ulaT gaya
hae wo sail-e-ashk jo palkon pe tham gaya
aankhon mein apni aaj samundar simaT gaya
phailae hum khaDe rahe palkon ki jholiyan
aaya umaD ke abr magar wo bhi chhaT gaya
teri gali mein tera tasawwur kiye hue
ek shaKHs aap sae se apne lipaT gaya
dasht-e-hayat se koi guzra hai is tarah
gard-e-qadam se waqt ka chehra bhi aT gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
