aaya wo ru-baru ki meri aankh khul gai

aayā vo rū-barū ki mirī aañkh khul ga.ī

afsos aarzū ki mirī aañkh khul ga.ī

sad-shukr mere paañv kā chakkar huā tamām

phirtā thā kū-ba-kū ki mirī aañkh khul ga.ī

maiñ tishna-lab rahā lab-e-dariyā bhī tishna-lab

pahuñchā kinār-e-jū ki mirī aañkh khul ga.ī

ubhrā huuñ raat bahr-e-tarannum meñ Duub kar

bolā vo ḳhush-gulū ki mirī aañkh khul ga.ī

nā-āshnā-e-faiz-e-bahārāñ hī maiñ rahā

uTThī guloñ se bū ki mirī aañkh khul ga.ī

mujh tishna-lab kī tishna-labī kā kamāl dekh

hāthoñ meñ thā subū ki mirī aañkh khul ga.ī

mumkin nahīñ ki vaqt-e-sahar aañkh lag sake

dekhā vo ḳhūb-rū ki mirī aañkh khul ga.ī

dushman kā pichhlī raat sitāra thā auj par

thā mere rū-barū ki mirī aañkh khul ga.ī

marg-e-'amar' kī baat ġhalat thī ḳhudā kā shukr

sunñā thī hāo-hū ki mirī aañkh khul ga.ī

aaya wo ru-baru ki meri aankh khul gai

afsos aarzu ki meri aankh khul gai

sad-shukr mere panw ka chakkar hua tamam

phirta tha ku-ba-ku ki meri aankh khul gai

main tishna-lab raha lab-e-dariya bhi tishna-lab

pahuncha kinar-e-ju ki meri aankh khul gai

ubhra hun raat bahr-e-tarannum mein Dub kar

bola wo KHush-gulu ki meri aankh khul gai

na-ashna-e-faiz-e-bahaaran hi main raha

uTThi gulon se bu ki meri aankh khul gai

mujh tishna-lab ki tishna-labi ka kamal dekh

hathon mein tha subu ki meri aankh khul gai

mumkin nahin ki waqt-e-sahar aankh lag sake

dekha wo KHub-ru ki meri aankh khul gai

dushman ka pichhli raat sitara tha auj par

tha mere ru-baru ki meri aankh khul gai

marg-e-'amar' ki baat ghalat thi KHuda ka shukr

sunna thi hao-hu ki meri aankh khul gai