aazad us se hain ki bayaban hi kyun na ho
aazad us se hain ki bayaban hi kyun na ho
Wahshat Raza Ali Kalkatvi
MORE BYWahshat Raza Ali Kalkatvi
āzād us se haiñ ki bayābāñ hī kyuuñ na ho
phāḌeñge jeb gosha-e-zindāñ hī kyuuñ na ho
ho shuġhl koī jī ke bahalne ke vāste
rāhat-fazā hai naala o fuġhāñ hī kyuuñ na ho
saudā-e-zulf-e-yār se baaz ā.eñge na ham
majmū-e-havās pareshāñ hī kyuuñ na ho
ehsān-e-tīr-e-yār adā ho sakegā kyā
jaan apnī nazr-e-lazzat-e-paikāñ hī kyuuñ na ho
jiite raheñge vāda-e-sabr-āzmā pe ham
umr apnī misl-e-vaqt-e-gurezāñ hī kyuuñ na ho
'vahshat' rukeñ na haath sar-e-hashr dekhnā
us fitna-ḳhū kā gosha-e-dāmāñ hī kyuuñ na ho
aazad us se hain ki bayaban hi kyun na ho
phaDenge jeb gosha-e-zindan hi kyun na ho
ho shughl koi ji ke bahalne ke waste
rahat-faza hai nala o fughan hi kyun na ho
sauda-e-zulf-e-yar se baz aaenge na hum
majmu-e-hawas pareshan hi kyun na ho
ehsan-e-tir-e-yar ada ho sakega kya
jaan apni nazr-e-lazzat-e-paikan hi kyun na ho
jite rahenge wada-e-sabr-azma pe hum
umr apni misl-e-waqt-e-gurezan hi kyun na ho
'wahshat' ruken na hath sar-e-hashr dekhna
us fitna-KHu ka gosha-e-daman hi kyun na ho
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
