aazurda-e-KHayal hun aashufta-haal hun

āzurda-e-ḳhayāl huuñ āshufta-hāl huuñ

barbādiyoñ kī aap maiñ apnī misāl huuñ

ai barq aa ki ab mirā jiinā muhāl hai

pyāsī zamīñ pe sūkhe shajar kī maiñ Daal huuñ

sab chhoḌ mujh ko chal diye ahbāb-e-ḳhush-ḳhayāl

baaqī maiñ ek sūrat-e-huzn-o-malāl huuñ

vīrāniyoñ ke aks kā dikhlā.e jo jamāl

maiñ vo kamāl-e-ā.ina-e-dasht-hāl huuñ

āñkhoñ se merī duur rahā ḳhvāb bhī 'shafīq'

hasrat kī shab huuñ dard kī sub.hoñ kā jaal huuñ

aazurda-e-KHayal hun aashufta-haal hun

barbaadiyon ki aap main apni misal hun

ai barq aa ki ab mera jina muhaal hai

pyasi zamin pe sukhe shajar ki main Dal hun

sab chhoD mujh ko chal diye ahbab-e-KHush-KHayal

baqi main ek surat-e-huzn-o-malal hun

viraniyon ke aks ka dikhlae jo jamal

main wo kamal-e-aina-e-dasht-haal hun

aankhon se meri dur raha KHwab bhi 'shafiq'

hasrat ki shab hun dard ki subhon ka jal hun