ab bhi guzre hue logon ka asar bolta hai

ab bhī guzre hue logoñ kā asar boltā hai

raah ḳhāmosh hai imkān-e-safar boltā hai

shāḳh se TuuT ke rishte nahīñ TuuTā karte

ḳhushk pattoñ kī zabāñ meñ bhī shajar boltā hai

ye to duniyā hai tasalsul kā amal jaarī hai

bolne vaale chale jaa.eñ to ghar boltā hai

DhūñDne jaa.eñ to miltā hī nahīñ us kā pata

aur rasta hai ki tā-hadd-e-nazar boltā hai

un ke chehroñ pe hai tahrīr kahāñ ke haiñ ye log

un ko jaanā hai kidhar raḳht-e-safar boltā hai

aane vaale kisī lamhe kī ḳhabar ho shāyad

sar jhukā.e hue ik ḳhaak ba-sar boltā hai

dard kī koī alag se nahīñ hotī hai zabāñ

merī āvāz meñ ab saarā nagar boltā hai

ghar meñ baiThe hue kyā soch rahe ho 'at.har'

band darvāzoñ meñ ḳhud apnā hī Dar boltā hai

ab bhi guzre hue logon ka asar bolta hai

rah KHamosh hai imkan-e-safar bolta hai

shaKH se TuT ke rishte nahin TuTa karte

KHushk patton ki zaban mein bhi shajar bolta hai

ye to duniya hai tasalsul ka amal jari hai

bolne wale chale jaen to ghar bolta hai

DhunDne jaen to milta hi nahin us ka pata

aur rasta hai ki ta-hadd-e-nazar bolta hai

un ke chehron pe hai tahrir kahan ke hain ye log

un ko jaana hai kidhar raKHt-e-safar bolta hai

aane wale kisi lamhe ki KHabar ho shayad

sar jhukae hue ek KHak ba-sar bolta hai

dard ki koi alag se nahin hoti hai zaban

meri aawaz mein ab sara nagar bolta hai

ghar mein baiThe hue kya soch rahe ho 'athar'

band darwazon mein KHud apna hi Dar bolta hai