ab chhoD bhi do yar badan TuT raha hai

ab chhoḌ bhī do yaar badan TuuT rahā hai

bāñhoñ meñ giraftār badan TuuT rahā hai

is kibr se kab kis ko sukūñ aayā mayassar

mast-e-mai-e-pindār badan TuuT rahā hai

dāman jo huā chaak to kuchh ġham nahīñ lekin

ai husn kī sarkār badan TuuT rahā hai

har roz patañgoñ se charāġhoñ ne kahā ye

mil kar na karo vaar badan TuuT rahā hai

barsoñ se mirā jism dil-o-jān-o-jigar se

hai bar-sar-e-paikār badan TuuT rahā hai

roTī ke liye roz thakan saath huuñ laatā

ab mat karo singār badan TuuT rahā hai

miTTī ke khilaunoñ ko uThā.e hue buḌhiyā

DhūñDhe hai ḳharīdār badan TuuT rahā hai

inkār zabānī thā koī jang nahīñ thī

phir kyoñ mirā be-kār badan TuuT rahā hai

chaḌhtī huī har saañs nahīñ āḳhirī hotī

ab bas bhī karo pyaar badan TuuT rahā hai

kāñToñ kī zamīñ sang kī bārish meñ yuuñ 'kāshif'

chalnā huā dushvār badan TuuT rahā hai

ab chhoD bhi do yar badan TuT raha hai

banhon mein giraftar badan TuT raha hai

is kibr se kab kis ko sukun aaya mayassar

mast-e-mai-e-pindar badan TuT raha hai

daman jo hua chaak to kuchh gham nahin lekin

ai husn ki sarkar badan TuT raha hai

har roz patangon se charaghon ne kaha ye

mil kar na karo war badan TuT raha hai

barson se mera jism dil-o-jaan-o-jigar se

hai bar-sar-e-paikar badan TuT raha hai

roTi ke liye roz thakan sath hun lata

ab mat karo singar badan TuT raha hai

miTTi ke khilaunon ko uThae hue buDhiya

DhunDhe hai KHaridar badan TuT raha hai

inkar zabani tha koi jang nahin thi

phir kyon mera be-kar badan TuT raha hai

chaDhti hui har sans nahin aaKHiri hoti

ab bas bhi karo pyar badan TuT raha hai

kanTon ki zamin sang ki barish mein yun 'kashif'

chalna hua dushwar badan TuT raha hai