ab dekhen phir hum ai hamdam kis roz munh us ka dekhenge

ab dekheñ phir ham ai hamdam kis roz muñh us kā dekheñge

vo zulf vo til vo ḳhaal vo ḳhad vo rang vo naqsha dekheñge

jab paas sanam ke baiTheñge ḳhush ho ke us ke lutf se ham

vo bazm vo ḳhat vo aish vo mai vo jaam vo miinā dekheñge

masrūr bahut dil hovegā ḳhush jī bhī hogā kyā kyā jab

vo naaz vo dhaj vo aan vo saj vo zeb vo baalā dekheñge

vo kājal chanchal āñkhoñ kā vo mehñdī nāzuk hāthoñ kī

vo paan vo lab vo husn vo chhab vo gosh vo baalā dekheñge

hai jo jo ḳhvāhish dil meñ 'nazīr' āvegā idhar mahbūb to ham

vo rabt-o-dahan vo chain vo sukh vo sair vo charchā dekheñge

ab dekhen phir hum ai hamdam kis roz munh us ka dekhenge

wo zulf wo til wo KHal wo KHad wo rang wo naqsha dekhenge

jab pas sanam ke baiThenge KHush ho ke us ke lutf se hum

wo bazm wo KHat wo aish wo mai wo jam wo mina dekhenge

masrur bahut dil howega KHush ji bhi hoga kya kya jab

wo naz wo dhaj wo aan wo saj wo zeb wo baala dekhenge

wo kajal chanchal aankhon ka wo mehndi nazuk hathon ki

wo pan wo lab wo husn wo chhab wo gosh wo baala dekhenge

hai jo jo KHwahish dil mein 'nazir' aawega idhar mahbub to hum

wo rabt-o-dahan wo chain wo sukh wo sair wo charcha dekhenge