ab dhup apne shahr ki yun pili ho gai

ab dhuup apne shahr kī yuuñ piilī ho ga.ī

pī pī ke jis ko saarī fazā kaḌvī ho ga.ī

kyoñ log chūsne lage lafzoñ kī uñgliyāñ

tahrīr us ke haath kī kyā mīThī ho ga.ī

shīsha nahīñ thī shīshe kī mānind thī janāb

ek Tiis hī se soch mirī chhalnī ho ga.ī

bādal se chhūTī jab bhī paTāḳhoñ kī phuljhaḌī

ākāsh kī fazāoñ meñ dīvālī ho ga.ī

chup-chāp fāsloñ kī siyah gard kyā jamī

chādar hamāre qurb kī phir mailī ho ga.ī

hangāma-e-hayāt kī garmī sameT lo

tanhā.iyoñ kī god bahut giilī ho ga.ī

ab dhup apne shahr ki yun pili ho gai

pi pi ke jis ko sari faza kaDwi ho gai

kyon log chusne lage lafzon ki ungliyan

tahrir us ke hath ki kya miThi ho gai

shisha nahin thi shishe ki manind thi janab

ek Tis hi se soch meri chhalni ho gai

baadal se chhuTi jab bhi paTaKHon ki phuljhaDi

aakash ki fazaon mein diwali ho gai

chup-chap faslon ki siyah gard kya jami

chadar hamare qurb ki phir maili ho gai

hangama-e-hayat ki garmi sameT lo

tanhaiyon ki god bahut gili ho gai