ab duaon se bhi behtar nahin hone wala

ab du'āoñ se bhī behtar nahīñ hone vaalā

sochte vo haiñ jo aksar nahīñ hone vaalā

shahr kā shahr hai ab us kī talab meñ ġhaltāñ

jo kisī ko bhī mayassar nahīñ hone vaalā

ḳhud ko badleñge to hālāt badal sakte haiñ

varna tabdīl ye manzar nahīñ hone vaalā

phir na.e Dhang se taḳhlīq ho is duniyā kī

hādisa aisā mukarrar nahīñ hone vaalā

ranj hī ranj haiñ darpesh mujhe shām-o-sahar

phir bhī maiñ ranj kā ḳhūgar nahīñ hone vaalā

āsmāñ-zādoñ se haq chhīn ke lenā hogā

haal ab is se to bad-tar nahīñ hone vaalā

merī sāñsoñ meñ 'nadīm' aise samāyā huā hai

vo jo ik shaḳhs muqaddar nahīñ hone vaalā

ab du'aon se bhi behtar nahin hone wala

sochte wo hain jo aksar nahin hone wala

shahr ka shahr hai ab us ki talab mein ghaltan

jo kisi ko bhi mayassar nahin hone wala

KHud ko badlenge to haalat badal sakte hain

warna tabdil ye manzar nahin hone wala

phir nae Dhang se taKHliq ho is duniya ki

hadisa aisa mukarrar nahin hone wala

ranj hi ranj hain darpesh mujhe sham-o-sahar

phir bhi main ranj ka KHugar nahin hone wala

aasman-zadon se haq chhin ke lena hoga

haal ab is se to bad-tar nahin hone wala

meri sanson mein 'nadim' aise samaya hua hai

wo jo ek shaKHs muqaddar nahin hone wala