ab dur talak yaad ka sahra hai nazar mein

ab duur talak yaad kā sahrā hai nazar meñ

kuchh roz to rahnā hai isī rāhguzar meñ

ham pyaas ke jangal kī kamīñ-gah se na nikle

dariya-e-ināyat kā kināra thā nagar meñ

kis ke liye hāthoñ kī lakīroñ ko ubhāreñ

apnā to har ik pal hai sitāroñ ke asar meñ

ab ḳhvāb bhī dekhe nahīñ jaate ki ye āñkheñ

bas jāgtī rahtī haiñ tire sāya-e-dar meñ

kis ke liye pairoñ ko aziyyat meñ rakhā jaa.e

ḳhud DhūñD ke tanhā.ī chalī aa.ī hai ghar meñ

phir zill-e-ilāhī ke savāroñ kī sadā aa.ī

phir kaun huā mūrid-e-ilzām nagar meñ

'qaisar' bhī salīb apnī uThā.e hue guzrā

kahte haiñ ki ḳhuddār thā jiine ke hunar meñ

ab dur talak yaad ka sahra hai nazar mein

kuchh roz to rahna hai isi rahguzar mein

hum pyas ke jangal ki kamin-gah se na nikle

dariya-e-inayat ka kinara tha nagar mein

kis ke liye hathon ki lakiron ko ubhaaren

apna to har ek pal hai sitaron ke asar mein

ab KHwab bhi dekhe nahin jate ki ye aankhen

bas jagti rahti hain tere saya-e-dar mein

kis ke liye pairon ko aziyyat mein rakha jae

KHud DhunD ke tanhai chali aai hai ghar mein

phir zill-e-ilahi ke sawaron ki sada aai

phir kaun hua murid-e-ilzam nagar mein

'qaisar' bhi salib apni uThae hue guzra

kahte hain ki KHuddar tha jine ke hunar mein