ab faisla karne ki ijazat di jae

ab faisla karne kī ijāzat dī jaa.e

yā phir hameñ manzil kī bashārat dī jaa.e

dīvāne haiñ ham jhuuT bahut bolte haiñ

ham ko sar-e-bāzār ye izzat dī jaa.e

phir gard-e-mah-o-sāl meñ aT jā.eñge

ā.īna banāyā hai to sūrat dī jaa.e

isrār hī karte ho to apnā samjho

denā hī agar hai to mohabbat dī jaa.e

vo jis ne mujhe qatl pe uksāyā thā

us shaḳhs se milne kī bhī mohlat dī jaa.e

jab merī gavāhī bhī mire haq meñ nahīñ

phir shahr meñ kis kis kī shahādat dī jaa.e

ham jāgte rahne ke bahut aadī haiñ

ham ko shab-e-hijrāñ kī masāfat dī jaa.e

chhiḌ jaa.e to tabqāt kī ab jañg 'salīm'

kuchh bhī ho magar ham ko na zahmat dī jaa.e

ab faisla karne ki ijazat di jae

ya phir hamein manzil ki bashaarat di jae

diwane hain hum jhuT bahut bolte hain

hum ko sar-e-bazar ye izzat di jae

phir gard-e-mah-o-sal mein aT jaenge

aaina banaya hai to surat di jae

israr hi karte ho to apna samjho

dena hi agar hai to mohabbat di jae

wo jis ne mujhe qatl pe uksaya tha

us shaKHs se milne ki bhi mohlat di jae

jab meri gawahi bhi mere haq mein nahin

phir shahr mein kis kis ki shahadat di jae

hum jagte rahne ke bahut aadi hain

hum ko shab-e-hijran ki masafat di jae

chhiD jae to tabqat ki ab jang 'salim'

kuchh bhi ho magar hum ko na zahmat di jae