ab intishaar ki hasrat nahin KHarabe ko

ab intishār kī hasrat nahīñ ḳharābe ko

jo aa rahe ho to aao ye ghar basāne ko

tirā vajūd mirī zaat ke liye kyā hai

ḳhudā kā aasrā jaise kisī abhāge ko

zamāne bhar ke masā.il meñ aise uljhe haiñ

hamāre haal kā kuchh ġham nahīñ hamāre ko

ḳhat us ko likhte agar ḳhat meñ us ko kyā likhte

ravāna ham ne tahī kar diyā lifāfe ko

ga.ī rutoñ meñ ka.ī phuul aa.e the un par

ab ek barg nahīñ hai badan chhupāne ko

maiñ khul ke kar nahīñ saktā thā apnā dukh zāhir

koī samajh bhī na paayā mire ishāre ko

har ik ke bas kā kahāñ hai sameTnā vahshat

junūñ na jaan faqat ḳhaak ke uḌāne ko

ab intishaar ki hasrat nahin KHarabe ko

jo aa rahe ho to aao ye ghar basane ko

tera wajud meri zat ke liye kya hai

KHuda ka aasra jaise kisi abhage ko

zamane bhar ke masail mein aise uljhe hain

hamare haal ka kuchh gham nahin hamare ko

KHat us ko likhte agar KHat mein us ko kya likhte

rawana hum ne tahi kar diya lifafe ko

gai ruton mein kai phul aae the un par

ab ek barg nahin hai badan chhupane ko

main khul ke kar nahin sakta tha apna dukh zahir

koi samajh bhi na paya mere ishaare ko

har ek ke bas ka kahan hai sameTna wahshat

junun na jaan faqat KHak ke uDane ko