ab is aalam mein takmil-e-mazaq-e-justuju hogi

ab is 'ālam meñ takmīl-e-mazāq-e-justujū hogī

jahāñ har gaam par un kī hī sūrat hū-bahū hogī

hameñ nazr-e-sitam kar de jo tark-e-ārzū chāhe

na ham hoñge na dil hogā na terī aarzū hogī

nahīñ kuchh ehtiyāj-e-lab-kushā.ī rū-barū un ke

mileñgī un se nazreñ aur bāham guftugū hogī

chaman meñ fasl-e-gul itnī kahāñ pur-kaif hotī hai

yaqīnan un kī rā'nā.ī sharīk-e-rang-o-bū hogī

nigāh-e-mast-e-sāqī jab uThegī bazm-e-rindāñ se

na jaane kyā 'hazīñ' kaifiyyat-e-jām-o-subū hogī

ab is 'alam mein takmil-e-mazaq-e-justuju hogi

jahan har gam par un ki hi surat hu-bahu hogi

hamein nazr-e-sitam kar de jo tark-e-arzu chahe

na hum honge na dil hoga na teri aarzu hogi

nahin kuchh ehtiyaj-e-lab-kushai ru-baru un ke

milengi un se nazren aur baham guftugu hogi

chaman mein fasl-e-gul itni kahan pur-kaif hoti hai

yaqinan un ki ra'nai sharik-e-rang-o-bu hogi

nigah-e-mast-e-saqi jab uThegi bazm-e-rindan se

na jaane kya 'hazin' kaifiyyat-e-jam-o-subu hogi