ab is se aur ibarat nahin koi sadi

ab is se aur ibārat nahīñ koī saadī

ki merā ḳhaas hunar bhī rahā ḳhudā-dādī

ḳhudā kī yaad hai ḳhalvat meñ is liye behtar

ki ḳhud ko jānegā tanhā.iyoñ meñ fariyādī

tum us ke bande bano vo ki jo dikhā.ī na de

isī meñ pinhāñ hai insān ramz-e-āzādī

vo jaane vaale hoñ hāzir ki aane vaale hoñ

sab ek ḳhat meñ khaḌe haiñ ba-qaid-e-aba.adī

batā sharāfat-e-duniyā batā ki khul jaa.e

karegā kab talak is dil meñ ḳhāna-dāmādī

ye vahm fahm-e-haqīqat nahīñ haqīqat hai

ki bas haqīqat-e-duniyā hai giryā-e-shādī

ye sharq-o-ġharb ke ūñche pahāḌ ḳhāmī haiñ

haqīqatan mujhe hāsil hai jism-e-faulādī

huā na koī mirī ḳhū se ḳhātir-āshufta

mirā vajūd hai misdāq-e-ḳhāna-ābādī

ruke thame na yahīñ tak nayā safar 'tamjīd'

dikhā.e kilk-e-suḳhan aage aur ustādī

ab is se aur ibarat nahin koi sadi

ki mera KHas hunar bhi raha KHuda-dadi

KHuda ki yaad hai KHalwat mein is liye behtar

ki KHud ko jaanega tanhaiyon mein fariyaadi

tum us ke bande bano wo ki jo dikhai na de

isi mein pinhan hai insan ramz-e-azadi

wo jaane wale hon hazir ki aane wale hon

sab ek KHat mein khaDe hain ba-qaid-e-abaadi

bata sharafat-e-duniya bata ki khul jae

karega kab talak is dil mein KHana-damadi

ye wahm fahm-e-haqiqat nahin haqiqat hai

ki bas haqiqat-e-duniya hai girya-e-shadi

ye sharq-o-gharb ke unche pahaD KHami hain

haqiqatan mujhe hasil hai jism-e-fauladi

hua na koi meri KHu se KHatir-ashufta

mera wajud hai misdaq-e-KHana-abaadi

ruke thame na yahin tak naya safar 'tamjid'

dikhae kilk-e-suKHan aage aur ustadi