ab is tarah sitam-e-rozgar hota hai
ab is tarah sitam-e-rozgār hotā hai
qafas ke sāmne zikr-e-bahār hotā hai
ḳhudā ke vāste dāman kā chaak siine do
kabhī kabhī to junūñ hoshiyār hotā hai
vafā kā zikr hī kyuuñ chheḌte haiñ ahl-e-vafā
jab un kī ḳhātir-e-nāzuk pe baar hotā hai
vo sāmne hoñ to aañsū nikal hī jaate haiñ
ye jurm vo hai jo be-iḳhtiyār hotā hai
maiñ mutma.in huuñ agarche ḳharāb hai māhaul
ḳhizāñ ke ba.ad kā aalam bahār hotā hai
ab is tarah sitam-e-rozgar hota hai
qafas ke samne zikr-e-bahaar hota hai
KHuda ke waste daman ka chaak sine do
kabhi kabhi to junun hoshiyar hota hai
wafa ka zikr hi kyun chheDte hain ahl-e-wafa
jab un ki KHatir-e-nazuk pe bar hota hai
wo samne hon to aansu nikal hi jate hain
ye jurm wo hai jo be-iKHtiyar hota hai
main mutmain hun agarche KHarab hai mahaul
KHizan ke baad ka aalam bahaar hota hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
