ab kahan ka junun ki mar rahiye

ab kahāñ kā junūñ ki mar rahiye

dasht-o-sahrā haiñ tang ghar rahiye

mil hī jā.egā ġhairat-e-firdaus

ism-e-jāñ paḌhiye raah par rahiye

āgahī ḳhuun chuus letī hai

chhoḌiye jo ho bā-ḳhabar rahiye

apnī gudḌī meñ mast hai ye malang

dāvar-e-zar miyāñ udhar rahiye

shahr-e-ḳhūbān-e-sabz-rang kahāñ

kis ḳharābe meñ ziist kar rahiye

kū-e-jānāñ meñ kam se kam 'sāqib'

aabrū rakhiye beshtar rahiye

ab kahan ka junun ki mar rahiye

dasht-o-sahra hain tang ghar rahiye

mil hi jaega ghairat-e-firdaus

ism-e-jaan paDhiye rah par rahiye

aagahi KHun chus leti hai

chhoDiye jo ho ba-KHabar rahiye

apni gudDi mein mast hai ye malang

dawar-e-zar miyan udhar rahiye

shahr-e-KHuban-e-sabz-rang kahan

kis KHarabe mein zist kar rahiye

ku-e-jaanan mein kam se kam 'saqib'

aabru rakhiye beshtar rahiye