ab kaun baat rah gai ye baat bhi gai

ab kaun baat rah ga.ī ye baat bhī ga.ī

ya.anī kabhī kabhī kī mulāqāt bhī ga.ī

kahte haiñ vo ki jazba-e-dil ab fareb hai

jab dil gayā to dil kī karāmāt bhī ga.ī

jo kuchh kiyā vo tū ne kiyā iztirāb-e-shauq

sau āfateñ bhī aa.iiñ mirī baat bhī ga.ī

dastār aap kī jo huī rehn-e-mai-kada

tauba hamārī qibla-e-hājāt bhī ga.ī

va.ade kī kaun raat qayāmat kā din nahīñ

āsār-e-sub.h kahte haiñ ye raat bhī ga.ī

maanā ki din sidhāre 'mubārak' shabāb ke

rañgīñ tabī.atoñ se mulāqāt bhī ga.ī

ab kaun baat rah gai ye baat bhi gai

yani kabhi kabhi ki mulaqat bhi gai

kahte hain wo ki jazba-e-dil ab fareb hai

jab dil gaya to dil ki karamat bhi gai

jo kuchh kiya wo tu ne kiya iztirab-e-shauq

sau aafaten bhi aain meri baat bhi gai

dastar aap ki jo hui rehn-e-mai-kada

tauba hamari qibla-e-hajat bhi gai

wade ki kaun raat qayamat ka din nahin

aasar-e-subh kahte hain ye raat bhi gai

mana ki din sidhaare 'mubarak' shabab ke

rangin tabiaton se mulaqat bhi gai