ab ke sahra mein ajab barish ki arzani hui
ab ke sahrā meñ ajab bārish kī arzānī huī
fasl-e-imkāñ ko numū karne meñ āsānī huī
pyaas ne āb-e-ravāñ ko kar diyā mauj-e-sarāb
ye tamāshā dekh kar dariyā ko hairānī huī
sar se saare ḳhvān ḳhushbū ke bikhar kar rah ga.e
ḳhāk-e-ḳhema tak havā pahuñchī to dīvānī huī
duur tak uḌne lagī gard-e-sadā zanjīr kī
kis qadar dīvār-e-zindāñ ko pashemānī huī
tum hī sadiyoñ se ye nahreñ band karte aa.e ho
mujh ko lagtī hai tumhārī shakl pahchānī huī
ab ke sahra mein ajab barish ki arzani hui
fasl-e-imkan ko numu karne mein aasani hui
pyas ne aab-e-rawan ko kar diya mauj-e-sarab
ye tamasha dekh kar dariya ko hairani hui
sar se sare KHwan KHushbu ke bikhar kar rah gae
KHak-e-KHema tak hawa pahunchi to diwani hui
dur tak uDne lagi gard-e-sada zanjir ki
kis qadar diwar-e-zindan ko pashemani hui
tum hi sadiyon se ye nahren band karte aae ho
mujh ko lagti hai tumhaari shakl pahchani hui
- Book : Hoshiyari Dil-e-Nadan Bahut Karta Hai (Pg. 106)
- Author :Irfan Siddiqi
- Publication : Rekhta Publications (2023)
- Edition : 2nd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
