ab kise yara hai zabt-e-nala-o-faryaad ka

ab kise yaarā hai zabt-e-nāla-o-faryād kā

bhar gayā hai ġham se paimāna dil-e-nāshād kā

jal rahā thā āshiyāna bas na thā karte hī kyā

duur se dekhā kiye ham ye sitam sayyād kā

qalb-e-sozāñ miT ke bhī hañgāma-ārā hī rahā

ban gayā bijlī har ik zarra dil-e-nāshād kā

mausam-e-gul kī havā aa.ī na jis ko sāz-vār

dil hai vo pazhmurda ġhuncha ālam-e-ījād kā

yā to ab āThoñ-pahar pesh-e-nazar ho yā kabhī

dil dahal jaatā thā sun kar naam bhī sayyād kā

aayā qismat se usī din mujh ko paiġhām-e-ajal

roz-e-āḳhir thā jo merī qaid kī mī.ād kā

dekh ibrat kī nazar se ġham ke dāġhoñ kī bahār

safā-e-dil hai muraqqa.a gulshan-e-ījād kā

dekhiye hotā hai kyuuñ kar aaj tai ye marhala

maiñ idhar huuñ saḳht-jāñ ḳhanjar idhar faulād kā

sahn-e-gulshan se qafas meñ aa gayā vo musht-e-par

ho gayā gulzār jis ke dam se ghar sayyād kā

sañg-e-dil rote haiñ 'sho.ala' sun ke fariyādeñ mirī

mom ho jaatā hai aahoñ se jigar faulād kā

ab kise yara hai zabt-e-nala-o-faryaad ka

bhar gaya hai gham se paimana dil-e-nashad ka

jal raha tha aashiyana bas na tha karte hi kya

dur se dekha kiye hum ye sitam sayyaad ka

qalb-e-sozan miT ke bhi hangama-ara hi raha

ban gaya bijli har ek zarra dil-e-nashad ka

mausam-e-gul ki hawa aai na jis ko saz-war

dil hai wo pazhmurda ghuncha aalam-e-ijad ka

ya to ab aaThon-pahar pesh-e-nazar ho ya kabhi

dil dahal jata tha sun kar nam bhi sayyaad ka

aaya qismat se usi din mujh ko paigham-e-ajal

roz-e-aKHir tha jo meri qaid ki miad ka

dekh ibrat ki nazar se gham ke daghon ki bahaar

safa-e-dil hai muraqqa gulshan-e-ijad ka

dekhiye hota hai kyun kar aaj tai ye marhala

main idhar hun saKHt-jaan KHanjar idhar faulad ka

sahn-e-gulshan se qafas mein aa gaya wo musht-e-par

ho gaya gulzar jis ke dam se ghar sayyaad ka

sang-e-dil rote hain 'shoala' sun ke fariyaaden meri

mom ho jata hai aahon se jigar faulad ka