ab koi bhi to aasra na raha

ab koī bhī to aasrā na rahā

maiñ huuñ jis kā vahī mirā na rahā

mujh ko lagtā rahā vo saath meñ hai

saath meñ chāhe vo rahā na rahā

aap ko jab se maiñ ne dekhā hai

apne hī dil pe bas mirā na rahā

vo mile is qadar tapāk ke saath

muddatoñ jin se silsila na rahā

husn par naaz karne vaale sun

umr bhar koī ek sā na rahā

tab mujhe pūchhne ko vo aa.e

dard jab qābil-e-davā na rahā

yaad kartā hai ab bhī us ko 'salīm'

jis se koī bhī vāsta na rahā

ab koi bhi to aasra na raha

main hun jis ka wahi mera na raha

mujh ko lagta raha wo sath mein hai

sath mein chahe wo raha na raha

aap ko jab se main ne dekha hai

apne hi dil pe bas mera na raha

wo mile is qadar tapak ke sath

muddaton jin se silsila na raha

husn par naz karne wale sun

umr bhar koi ek sa na raha

tab mujhe puchhne ko wo aae

dard jab qabil-e-dawa na raha

yaad karta hai ab bhi us ko 'salim'

jis se koi bhi wasta na raha