ab masiha koi bimar na hone pae

ab masīhā koī bīmār na hone paa.e

gul faqat gul hī rahe ḳhaar na hone paa.e

tere kāñdhe pe mohabbat ka Tikā hai parcham

jaan be-shak na rahe haar na hone paa.e

dil ke par noch le varna na rahegā terā

fāḳhta uḌne ko tayyār na hone paa.e

'ishq taufīq hai jab tak ki rahe dil meñ qaid

lab pe qaabū rahe iz.hār na hone paa.e

ek dhoke pe Tikī hai tirī duniyā mālik

ashk ko rok le angār na hone paa.e

ab masiha koi bimar na hone pae

gul faqat gul hi rahe KHar na hone pae

tere kandhe pe mohabbat ka Tika hai parcham

jaan be-shak na rahe haar na hone pae

dil ke par noch le warna na rahega tera

faKHta uDne ko tayyar na hone pae

'ishq taufiq hai jab tak ki rahe dil mein qaid

lab pe qabu rahe izhaar na hone pae

ek dhoke pe Tiki hai teri duniya malik

ashk ko rok le angar na hone pae