ab mujhe aur kya KHabar dega

ab mujhe aur kyā ḳhabar degā

vo añdheroñ ko raat kar degā

muskurāhaT vo degā aahaT bhar

aur udāsī vo chāñd bhar degā

ḳhaak bikhrā ke merī chāroñ taraf

vo mujhe āḳhirī ḳhabar degā

sabz ko surḳh kab karegā karīm

zard hāthoñ meñ kab samar degā

phir sunā hai vo aane vaalā hai

phir udāsī vo rāt-bhar degā

dhuul rakh kar vo merī palkoñ par

raunaq-e-chashm mo'atabar degā

mohlat-e-shauq-e-bāl-o-par kaisī

vo karāñ-tā-karāñ safar degā

sar-e-tahrīr-e-lauh-e-shām-o-shafaq

ramz mujh ko bayān kar degā

jaan samjhe nahīñ ho 'ajmal' ko

jaan māñgo to apnā sar degā

ab mujhe aur kya KHabar dega

wo andheron ko raat kar dega

muskurahaT wo dega aahaT bhar

aur udasi wo chand bhar dega

KHak bikhra ke meri chaaron taraf

wo mujhe aaKHiri KHabar dega

sabz ko surKH kab karega karim

zard hathon mein kab samar dega

phir suna hai wo aane wala hai

phir udasi wo raat-bhar dega

dhul rakh kar wo meri palkon par

raunaq-e-chashm mo'atabar dega

mohlat-e-shauq-e-baal-o-par kaisi

wo karan-ta-karan safar dega

sar-e-tahrir-e-lauh-e-sham-o-shafaq

ramz mujh ko bayan kar dega

jaan samjhe nahin ho 'ajmal' ko

jaan mango to apna sar dega