ab mujhe bhul koi baat na kar jaane de

ab mujhe bhuul koī baat na kar jaane de

biite lamhoñ ke manāzir ko bikhar jaane de

maiñ ne kuchh kaam zarūrī abhī nimTāne haiñ

terā ehsān mire yaar agar jaane de

raat gahrī hai yahāñ tū bhī hai sannāTā bhī

ham charāġhoñ ko añdheroñ meñ utar jaane de

maiñ agar lauT bhī aayā to mujhe mat milnā

is ḳharābe ko mirī jaan sudhar jaane de

tez bārish hai ki saḌkoñ pe bhī paanī hai bahut

aaj kī raat mujhe paas Thahar jaane de

tū ne āvāz lagā.ī to bhaTak jā.egā

is musāfir ko ḳhamoshī se guzar jaane de

ab mujhe bhul koi baat na kar jaane de

bite lamhon ke manazir ko bikhar jaane de

main ne kuchh kaam zaruri abhi nimTane hain

tera ehsan mere yar agar jaane de

raat gahri hai yahan tu bhi hai sannaTa bhi

hum charaghon ko andheron mein utar jaane de

main agar lauT bhi aaya to mujhe mat milna

is KHarabe ko meri jaan sudhar jaane de

tez barish hai ki saDkon pe bhi pani hai bahut

aaj ki raat mujhe pas Thahar jaane de

tu ne aawaz lagai to bhaTak jaega

is musafir ko KHamoshi se guzar jaane de