ab na holi hai na diwali hai

ab na holī hai na divālī hai

goyā tahzīb miTne vaalī hai

zindagī farsh pe paḌī thī aur

maiñ ne āġhosh meñ uThā lī hai

sab muravvat ke khet banjar haiñ

saare gaañv meñ ḳhushk-sālī hai

ḳhvāhishoñ se bharā huā hai dil

ye alag baat jeb kHālī hai

ab to cigarette bhī pī rahe ho tum

tum ne hālat ye kyā banā lī hai

saare majbūr dene vaale haiñ

koī jābir huā savālī hai

muḌ ke aate nahīñ ho gaañv meñ

apnī duniyā kahāñ basā lī hai

phir se jharnā ravāñ hai āñkhoñ se

koh-e-ruḳhsār par bahālī hai

'faiz' ahl-e-zabān ke nazdīk

ek be-vazn she'r gaalī hai

ab na holi hai na diwali hai

goya tahzib miTne wali hai

zindagi farsh pe paDi thi aur

main ne aaghosh mein uTha li hai

sab murawwat ke khet banjar hain

sare ganw mein KHushk-sali hai

KHwahishon se bhara hua hai dil

ye alag baat jeb kHali hai

ab to cigarette bhi pi rahe ho tum

tum ne haalat ye kya bana li hai

sare majbur dene wale hain

koi jabir hua sawali hai

muD ke aate nahin ho ganw mein

apni duniya kahan basa li hai

phir se jharna rawan hai aankhon se

koh-e-ruKHsar par bahaali hai

'faiz' ahl-e-zaban ke nazdik

ek be-wazn she'r gali hai