ab Tak bhi dard sahne ki aadat nahin hui

ab Tak bhī dard sahne kī aadat nahīñ huī

ya.anī ki tum ko yaar mohabbat nahīñ huī

karte haiñ chal ai dil mire koshish ye āḳhirī

Dolī meñ bas vo baiThī hai ruḳhsat nahīñ huī

kahnā to thā par us ne yuuñ dekhā mirī taraf

mere laboñ se koī bhī harakat nahīñ huī

buḌhiyā jo ghar meñ rahtī thī jis din se mar ga.ī

baad us ke ghar meñ koī bhī barakat nahīñ huī

sach hai ki zikr-e-ishq se bachtā rahā huuñ maiñ

sach ye bhī hai mirī kabhī himmat nahīñ huī

yādoñ meñ us kī aaj bhī bahte haiñ ashk yuuñ

jaise ye kal kī baat ho muddat nahīñ huī

ab Tak bhi dard sahne ki aadat nahin hui

yani ki tum ko yar mohabbat nahin hui

karte hain chal ai dil mere koshish ye aaKHiri

Doli mein bas wo baiThi hai ruKHsat nahin hui

kahna to tha par us ne yun dekha meri taraf

mere labon se koi bhi harakat nahin hui

buDhiya jo ghar mein rahti thi jis din se mar gai

baad us ke ghar mein koi bhi barakat nahin hui

sach hai ki zikr-e-ishq se bachta raha hun main

sach ye bhi hai meri kabhi himmat nahin hui

yaadon mein us ki aaj bhi bahte hain ashk yun

jaise ye kal ki baat ho muddat nahin hui