ab tak jo andar thi bahar rakh di hai

ab tak jo andar thī bāhar rakh dī hai

mez pe ik tasvīr sajā kar rakh dī hai

tum chāho to apnī raat javāñ kar lo

maiñ ne apnī raat bujhā kar rakh dī hai

kaun aayā thā āḳhir mere kamre meñ

kis ne har ik chiiz sajā kar rakh dī hai

ek udāsī kam thī kyā jo ab maiñ ne

ik hañstī tasvīr bhī lā kar rakh dī hai

us se dil kī baat to kah aayā huuñ maiñ

lekin jaltī chiiz havā par rakh dī hai

nange pattoñ ke tan par jaane kis ne

raat ga.e ik barf kī chādar rakh dī hai

jis ko DhūñD rahā huuñ maiñ saare ghar meñ

maiñ ne hī vo chiiz chhupā kar rakh dī hai

ab tak jo andar thi bahar rakh di hai

mez pe ek taswir saja kar rakh di hai

tum chaho to apni raat jawan kar lo

main ne apni raat bujha kar rakh di hai

kaun aaya tha aaKHir mere kamre mein

kis ne har ek chiz saja kar rakh di hai

ek udasi kam thi kya jo ab main ne

ek hansti taswir bhi la kar rakh di hai

us se dil ki baat to kah aaya hun main

lekin jalti chiz hawa par rakh di hai

nange patton ke tan par jaane kis ne

raat gae ek barf ki chadar rakh di hai

jis ko DhunD raha hun main sare ghar mein

main ne hi wo chiz chhupa kar rakh di hai