ab tak lahu ka zaiqa KHanjar pe naqsh hai

ab tak lahū kā zā.iqa ḳhanjar pe naqsh hai

ye kis kā naam dast-e-sitam-gar pe naqsh hai

bārish bhī āftāb kā dāman na dho sakī

kuchh gard ab bhī dhuup ke shahpar pe naqsh hai

terā hī aks raat ke ā.īne meñ asiir

terā hī ḳhvāb niiñd ke bistar pe naqsh hai

jis ko tire laboñ kā tasavvur na dho sake

vo talḳhī-e-hayāt bhī sāġhar pe naqsh hai

āñgan se dastakoñ kī sadā lauT aa.egī

vīrāniyoñ kā naam har ik ghar pe naqsh hai

paanī kī ye lakīr nahīñ hai jo miT sake

shīshe kī dāstān to patthar pe naqsh hai

jakḌā huā hai pichhle janam ke hisār meñ

maazī kā sāneha dil-e-'aḳhtar' pe naqsh hai

ab tak lahu ka zaiqa KHanjar pe naqsh hai

ye kis ka nam dast-e-sitam-gar pe naqsh hai

barish bhi aaftab ka daman na dho saki

kuchh gard ab bhi dhup ke shahpar pe naqsh hai

tera hi aks raat ke aaine mein asir

tera hi KHwab nind ke bistar pe naqsh hai

jis ko tere labon ka tasawwur na dho sake

wo talKHi-e-hayat bhi saghar pe naqsh hai

aangan se dastakon ki sada lauT aaegi

viraniyon ka nam har ek ghar pe naqsh hai

pani ki ye lakir nahin hai jo miT sake

shishe ki dastan to patthar pe naqsh hai

jakDa hua hai pichhle janam ke hisar mein

mazi ka saneha dil-e-'aKHtar' pe naqsh hai