ab to aate honge kab ke bheje hain

ab to aate hoñge kab ke bheje haiñ

maiñ ne tum ko lene raste bheje haiñ

apnī taraf se terā vaqt bachāyā hai

terī taraf se ḳhud ko dilāse bheje haiñ

us kī luġhat meñ tanhā.ī kā lafz bhī hai

jis ne har ik shai ke joḌe bheje haiñ

qāsid kī jāñ-baḳhshī par mamnūn huuñ maiñ

ḳhat meñ us ne ḳhat ke purze bheje haiñ

kaise kam ho sakte haiñ jo ġham tū ne

maap aur taul ke andāze se bheje haiñ

sarhad paar kisī par jab bhī pyaar aayā

ham-sāyoñ ko yūñhī tohfe bheje haiñ

tārīkī ham khīñch ke laa.e haiñ ghar tak

Dūbte sūraj ko bas tinke bheje haiñ

amn kī ḳhātir itnā hī kar saktā thā

maiñ ne jañg meñ apne beTe bheje haiñ

ab to aate honge kab ke bheje hain

main ne tum ko lene raste bheje hain

apni taraf se tera waqt bachaya hai

teri taraf se KHud ko dilase bheje hain

us ki lughat mein tanhai ka lafz bhi hai

jis ne har ek shai ke joDe bheje hain

qasid ki jaan-baKHshi par mamnun hun main

KHat mein us ne KHat ke purze bheje hain

kaise kam ho sakte hain jo gham tu ne

map aur taul ke andaze se bheje hain

sarhad par kisi par jab bhi pyar aaya

ham-sayon ko yunhi tohfe bheje hain

tariki hum khinch ke lae hain ghar tak

Dubte suraj ko bas tinke bheje hain

amn ki KHatir itna hi kar sakta tha

main ne jang mein apne beTe bheje hain