ab to asbab-o-ilal se mujhe bartar kar de

ab to asbāb-o-ilal se mujhe bartar kar de

is farīze pe farishtoñ ko muqarrar kar de

khīñch kar husn ke andām se zar-baft libās

mayyat-e-ishq kī uryānī pe chādar kar de

us ko mil jaa.e mirī zaat kī taḳhlīq kā lutf

mere paars ke liye tū mujhe patthar kar de

ḳhud se aaya na gayā ham ko bulāyā sar-e-arsh

is pe da.avā ki ġham-e-ishq meñ mahshar kar de

yā tasalsul se nikal kar ruḳh-e-tasvīr meñ aa

yā miirī zaat ko tasvīr se bāhar kar de

vo jafā-pesha na kar pā.egā sar tūr-e-vajūd

mashvara hai ki irāde ko muaḳhḳhar kar de

ab to asbab-o-ilal se mujhe bartar kar de

is farize pe farishton ko muqarrar kar de

khinch kar husn ke andam se zar-baft libas

mayyat-e-ishq ki uryani pe chadar kar de

us ko mil jae meri zat ki taKHliq ka lutf

mere pars ke liye tu mujhe patthar kar de

KHud se aaya na gaya hum ko bulaya sar-e-arsh

is pe dawa ki gham-e-ishq mein mahshar kar de

ya tasalsul se nikal kar ruKH-e-taswir mein aa

ya meri zat ko taswir se bahar kar de

wo jafa-pesha na kar paega sar tur-e-wajud

mashwara hai ki irade ko muaKHKHar kar de