ab to ashkon ki rawani mein na rakkhi jae
ab to ashkoñ kī ravānī meñ na rakkhī jaa.e
us kī tasvīr hai paanī meñ na rakkhī jaa.e
ek hī dil meñ Thahar jaa.eñ hamesha ke liye
zindagī naql-e-makānī meñ na rakkhī jaa.e
zinda rakhnā ho mohabbat meñ jo kirdār mirā
sā.at-e-vasl kahānī meñ na rakkhī jaa.e
yuuñ to milte haiñ sabhī log bichhaḌne ke liye
nā-gahānī ye javānī meñ na rakkhī jaa.e
bhuul jaanā hai to ai dost bhulā de mujh ko
yaad ab yād-dahānī meñ na rakkhī jaa.e
jab koī ek kashish khīñch rahī hai ham ko
kīmiyā falsafa-dānī meñ na rakkhī jaa.e
dil bhī thoḌā sā subuk-dosh-e-tamannā kar de
kuchh tabī.at bhī girānī meñ na rakkhī jaa.e
ab to ashkon ki rawani mein na rakkhi jae
us ki taswir hai pani mein na rakkhi jae
ek hi dil mein Thahar jaen hamesha ke liye
zindagi naql-e-makani mein na rakkhi jae
zinda rakhna ho mohabbat mein jo kirdar mera
saat-e-wasl kahani mein na rakkhi jae
yun to milte hain sabhi log bichhaDne ke liye
na-gahani ye jawani mein na rakkhi jae
bhul jaana hai to ai dost bhula de mujh ko
yaad ab yaad-dahani mein na rakkhi jae
jab koi ek kashish khinch rahi hai hum ko
kimiya falsafa-dani mein na rakkhi jae
dil bhi thoDa sa subuk-dosh-e-tamanna kar de
kuchh tabiat bhi girani mein na rakkhi jae
- Book : Gumname aadmi ka bayan (Pg. 130)
- Author : Fazil Jamili
- Publication : Bazm-e-ifkar Publications (2017)
- Edition : 2017
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
