ab use jo KHayal hai mera

ab use jo ḳhayāl hai merā

kyoñ hai ab ye savāl hai merā

jab the to qadr ki nahīñ merī

ab use kyuuñ malāl hai merā

log mujh ko bhulā nahīñ paate

itnā hī bas kamāl hai merā

jiinā tere baġhair mushkil hai

dekh aa ab jo haal hai merā

dekh taklīf merī bātoñ meñ

jiinā sach meñ muhāl hai merā

ḳhush huuñ ġham meñ huuñ kuchh ḳhabar hī nahīñ

kyā patā kyā ye haal hai merā

zindagī ik 'azāb hai merī

saañs lenā kamāl hai merā

jā rahe sab jo chhoḌ kar mujh ko

hijr-o-ġham kā ye saal hai merā

huuñ abhī jo bulandī pe 'rāzī'

us ke aage zavāl hai merā

ab use jo KHayal hai mera

kyon hai ab ye sawal hai mera

jab the to qadr ki nahin meri

ab use kyun malal hai mera

log mujh ko bhula nahin pate

itna hi bas kamal hai mera

jina tere baghair mushkil hai

dekh aa ab jo haal hai mera

dekh taklif meri baaton mein

jina sach mein muhaal hai mera

KHush hun gham mein hun kuchh KHabar hi nahin

kya pata kya ye haal hai mera

zindagi ek 'azab hai meri

sans lena kamal hai mera

ja rahe sab jo chhoD kar mujh ko

hijr-o-gham ka ye sal hai mera

hun abhi jo bulandi pe 'raazi'

us ke aage zawal hai mera