ab wo moD aaya ki har pal moatabar hone ko hai
ab wo moD aaya ki har pal moatabar hone ko hai
Mohammad Ahmad Ramz
MORE BYMohammad Ahmad Ramz
ab vo moḌ aayā ki har pal mo'atabar hone ko hai
dekhnā manzar nayā dīvār dar hone ko hai
ab lahū kā rañg gahrā hai mirī tasvīr meñ
aisā lagtā hai ki qissa muḳhtasar hone ko hai
uḌ chalī hai har taraf dāman meñ bhar lene kī baat
qatra qatra us ke dariyā kā guhar hone ko hai
maiñ bhī dekhūñ mujh ko manzar se haTā dene ke ba.ad
ab tamāshā kaun sā bār-e-digar hone ko hai
phir tarāshī jaane vaalī haiñ charāġhoñ kī laveñ
shaam hote hote garm aisī ḳhabar hone ko hai
muḌ ke dekhūñ to aqab meñ kuchh nazar aatā nahīñ
sāmne bhī gum nishān-e-rah-guzar hone ko hai
ab na.ī rāheñ khuleñgī mujh par imkānāt kī
'ramz' mere tan pe zāhir merā sar hone ko hai
ab wo moD aaya ki har pal mo'atabar hone ko hai
dekhna manzar naya diwar dar hone ko hai
ab lahu ka rang gahra hai meri taswir mein
aisa lagta hai ki qissa muKHtasar hone ko hai
uD chali hai har taraf daman mein bhar lene ki baat
qatra qatra us ke dariya ka guhar hone ko hai
main bhi dekhun mujh ko manzar se haTa dene ke baad
ab tamasha kaun sa bar-e-digar hone ko hai
phir tarashi jaane wali hain charaghon ki lawen
sham hote hote garm aisi KHabar hone ko hai
muD ke dekhun to aqab mein kuchh nazar aata nahin
samne bhi gum nishan-e-rah-guzar hone ko hai
ab nai rahen khulengi mujh par imkanat ki
'ramz' mere tan pe zahir mera sar hone ko hai
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
