ab yahan koi nahin sath nibhane wala

ab yahāñ koī nahīñ saath nibhāne vaalā

terī yādoñ ke sivā kaun hai aane vaalā

aadmī jaag hī jaatā hai sahar hone par

us ke andar hī koī hogā jagāne vaalā

din meñ kitnī hī tamāzat ko luTā.e sūraj

ham ne paayā hai use Duub hī jaane vaalā

kis ke aañsū haiñ jo pattoñ pe chhalak aa.e haiñ

kaun sā zaḳhm hai shāḳhoñ ko rulāne vaalā

paañv se lipTī huī miltī haiñ rāheñ kitnī

haa.e kis soch meñ niklā hai ye jaane vaalā

zabt TūTegā to ye zaḳhm dahan kholeñge

aañsū pī legā sabhī aañsū bahāne vaalā

shā.erī apnī 'nazar' sāda-o-purkār nahīñ

ab kahāñ koī rahā sher sunāne vaalā

ab yahan koi nahin sath nibhane wala

teri yaadon ke siwa kaun hai aane wala

aadmi jag hi jata hai sahar hone par

us ke andar hi koi hoga jagane wala

din mein kitni hi tamazat ko luTae suraj

hum ne paya hai use Dub hi jaane wala

kis ke aansu hain jo patton pe chhalak aae hain

kaun sa zaKHm hai shaKHon ko rulane wala

panw se lipTi hui milti hain rahen kitni

hae kis soch mein nikla hai ye jaane wala

zabt TuTega to ye zaKHm dahan kholenge

aansu pi lega sabhi aansu bahane wala

shaeri apni 'nazar' sada-o-purkar nahin

ab kahan koi raha sher sunane wala