ab yahan sahib-e-taslim-o-raza koi nahin

ab yahāñ sāhib-e-taslīm-o-razā koī nahīñ

tajraba ye huā pāband-e-vafā koī nahīñ

ġham to ye hai ki jo barham the vo barham hī rahe

apne miTne kā hameñ shikva gila koī nahīñ

rāh-rau jāda-e-hastī se guzarte hī rahe

chhoḌ kar naqsh-e-qadam apne gayā koī nahīñ

ham to chalte rahe kāñToñ kī guzargāhoñ par

ham-safar raah meñ tā-dūr milā koī nahīñ

shahr kā shahr huā ātish-e-taḳhrīb kī nazr

log kahte haiñ ki sho.aloñ meñ jalā koī nahīñ

yūñhī gardish meñ shab-o-roz guzar jaate haiñ

ek markaz pe zamāne meñ rahā koī nahīñ

ab yahan sahib-e-taslim-o-raza koi nahin

tajraba ye hua paband-e-wafa koi nahin

gham to ye hai ki jo barham the wo barham hi rahe

apne miTne ka hamein shikwa gila koi nahin

rah-rau jada-e-hasti se guzarte hi rahe

chhoD kar naqsh-e-qadam apne gaya koi nahin

hum to chalte rahe kanTon ki guzargahon par

ham-safar rah mein ta-dur mila koi nahin

shahr ka shahr hua aatish-e-taKHrib ki nazr

log kahte hain ki shoalon mein jala koi nahin

yunhi gardish mein shab-o-roz guzar jate hain

ek markaz pe zamane mein raha koi nahin