ab yahin se zawal hai us ka
ab yahīñ se zavāl hai us kā
vo ḳhudā hai ḳhayāl hai us kā
us ke jaisī hī dhuup hai mujh par
mere jaisā hī haal hai us kā
vo taqāze kare hai tanhā.ī
ghar meñ rahnā muhāl hai us kā
koī but hī javāb degā use
kāfirāna savāl hai us kā
vaqt-e-ruḳhsat vo kis qadar ḳhush thā
aur bichhaḌ kar jo haal hai us kā
us badan ko paḌho tasallī se
misra' misra' kamāl hai us kā
vo nadāmat hai us ke chehre par
aa.ine par malāl hai us kā
ab yahin se zawal hai us ka
wo KHuda hai KHayal hai us ka
us ke jaisi hi dhup hai mujh par
mere jaisa hi haal hai us ka
wo taqaze kare hai tanhai
ghar mein rahna muhaal hai us ka
koi but hi jawab dega use
kafirana sawal hai us ka
waqt-e-ruKHsat wo kis qadar KHush tha
aur bichhaD kar jo haal hai us ka
us badan ko paDho tasalli se
misra' misra' kamal hai us ka
wo nadamat hai us ke chehre par
aaine par malal hai us ka
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
