ab ye dhun chhoD bhi do usko kahan paoge

ab ye dhun chhoḌ bhī do us ko kahāñ pāoge

ghar chalo varna kahīñ aur nikal jāoge

ab isī zaḳhm se gul-posh badan hai saarā

aao dekho to sahī phuul se khil jāoge

ham bhī ab tak usī manzar ke fusūñ meñ gum haiñ

tum bhī us ḳhvāb kī ta.abīr na sun pāoge

āb-e-ā.īna ko yuuñ dekhtā rahtā huuñ ki bas

sūrat-e-aks tumhīñ jaise ubhar aaoge

nāḳhun-e-aql se kab uqda-e-dil khultā hai

chhoḌ do varna tumhīñ is meñ ulajh jāoge

ab ye dhun chhoD bhi do us ko kahan paoge

ghar chalo warna kahin aur nikal jaoge

ab isi zaKHm se gul-posh badan hai sara

aao dekho to sahi phul se khil jaoge

hum bhi ab tak usi manzar ke fusun mein gum hain

tum bhi us KHwab ki tabir na sun paoge

aab-e-aina ko yun dekhta rahta hun ki bas

surat-e-aks tumhin jaise ubhar aaoge

naKHun-e-aql se kab uqda-e-dil khulta hai

chhoD do warna tumhin is mein ulajh jaoge