ab zara si bhi KHushi pe yar dukhne lagte hain

ab zarā sī bhī ḳhushī pe yaar dukhne lagte haiñ

muskurā dene se bhī ruḳhsār dukhne lagte haiñ

rāh-e-ulfat meñ mile har ābloñ ko sah gayā

kyā dukheñge zaḳhm ab ḳhud ḳhaar dukhne lagte haiñ

chāhtā huuñ maiñ ki terā naam har misre meñ ho

zikr se tere magar ash'ār dukhne lagte haiñ

jī meñ aatā hai ki tujh pe chheḌ duuñ koī ġhazal

yaad kuchh aatā hai dil ke taar dukhne lagte haiñ

us ko lagtā hai koī shikva nahīñ mujh ko magar

kuchh na kah sakne se lab har baar dukhne lagte haiñ

baat to hogī nahīñ par dekhne aayā karo

varna apnī qabr meñ ham yaar dukhne lagte haiñ

ab zara si bhi KHushi pe yar dukhne lagte hain

muskura dene se bhi ruKHsar dukhne lagte hain

rah-e-ulfat mein mile har aablon ko sah gaya

kya dukhenge zaKHm ab KHud KHar dukhne lagte hain

chahta hun main ki tera nam har misre mein ho

zikr se tere magar ash'ar dukhne lagte hain

ji mein aata hai ki tujh pe chheD dun koi ghazal

yaad kuchh aata hai dil ke tar dukhne lagte hain

us ko lagta hai koi shikwa nahin mujh ko magar

kuchh na kah sakne se lab har bar dukhne lagte hain

baat to hogi nahin par dekhne aaya karo

warna apni qabr mein hum yar dukhne lagte hain