ab zindagi se jaan chhuDane laga hun main

ab zindagī se jaan chhuḌāne lagā huuñ maiñ

dasht-e-ajal se aañkh milāne lagāne huuñ maiñ

jabr-o-jafā kuchh is tarah sauñpe ga.e mujhe

dekho ye shahr chhoḌ ke jaane lagā huuñ maiñ

maiñ chāhtā huuñ aatī raheñ titliyāñ yahāñ

kāġhaz pe tere hoñT banāne lagā huuñ maiñ

jo chāhte haiñ jaanā ba-sad-shauq jaa.eñ vo

saare ye ab charāġh bujhāne lagā huuñ maiñ

tum dekhnā ki ā.eñge sarkār-e-do-jahāñ

farsh-e-'azā ko aaj bichhāne lagā huuñ maiñ

jis ne ḳhamosh rah ke javānī guzār dī

piñjre se vo parinda uḌāne lagā huuñ maiñ

ab zindagi se jaan chhuDane laga hun main

dasht-e-ajal se aankh milane lagane hun main

jabr-o-jafa kuchh is tarah saunpe gae mujhe

dekho ye shahr chhoD ke jaane laga hun main

main chahta hun aati rahen titliyan yahan

kaghaz pe tere honT banane laga hun main

jo chahte hain jaana ba-sad-shauq jaen wo

sare ye ab charagh bujhane laga hun main

tum dekhna ki aaenge sarkar-e-do-jahan

farsh-e-'aza ko aaj bichhane laga hun main

jis ne KHamosh rah ke jawani guzar di

pinjre se wo parinda uDane laga hun main