abas hai shaKH-e-qad-awar pe aashiyan rakhna

abas hai shāḳh-e-qad-āvar pe āshiyāñ rakhnā

zamīñ ko raas kab aaya hai āsmāñ rakhnā

safar karo ki Thahar jaao ik azaab hai ye

qadam ko hijrat-o-manzil ke darmiyāñ rakhnā

kisī kā shor-e-fuġhāñ sun ke yaad aaya bahut

fasīl-e-ġham meñ mirā dard-e-be-zabāñ rakhnā

khulī fazā meñ to shabnam bhī baar lagtī hai

agar hai tarz-e-kuhan sar pe sā.ebāñ rakhnā

ye log apnī hī dīvār ke naqab-zan haiñ

kabhī na bhuul ke tum ghar kā pāsbāñ rakhnā

hai naav maujoñ kī zad meñ magar hameñ 'ābid'

na aaya bād-e-muḳhālif pe bādbāñ rakhnā

abas hai shaKH-e-qad-awar pe aashiyan rakhna

zamin ko ras kab aaya hai aasman rakhna

safar karo ki Thahar jao ek azab hai ye

qadam ko hijrat-o-manzil ke darmiyan rakhna

kisi ka shor-e-fughan sun ke yaad aaya bahut

fasil-e-gham mein mera dard-e-be-zaban rakhna

khuli faza mein to shabnam bhi bar lagti hai

agar hai tarz-e-kuhan sar pe saeban rakhna

ye log apni hi diwar ke naqab-zan hain

kabhi na bhul ke tum ghar ka pasban rakhna

hai naw maujon ki zad mein magar hamein 'abid'

na aaya baad-e-muKHalif pe baadban rakhna