abhi abhi tha tabassum abhi hijab mein hai

abhī abhī thā tabassum abhī hijāb meñ hai

zamāne bhar kā talavvun tire shabāb meñ hai

zamīr-e-lauh-o-qalam jis se pech-o-tāb meñ hai

vo raaz mere dil-e-ḳhānumāñ-ḳharāb meñ hai

tasavvur us kā mire dīda-e-pur-āb meñ hai

jo be-hijāb bhī ho kar abhī hijāb meñ hai

nigāh-e-husn se azal jau kaundī thī

vo barq dekh mire sāġhar-e-sharāb meñ hai

bas ek sabza-e-begāna par nahīñ mauqūf

ye vo chaman hai jahāñ zarra zarra ḳhvāb meñ hai

likhā thā kilk-e-azal ne jo husn-o-mastī par

vo tabsira bhī tirī chashm-e-nīm-ḳhvāb meñ hai

bilittifāq tum ab ban ga.e na markaz-e-husn

yahī to baat mire husn-e-intiḳhāb meñ hai

ḳhayāl-e-tark-e-mohabbat durust 'faiz' magar

maiñ pūchhtā huuñ ye imkān āñ-janāb meñ hai

abhi abhi tha tabassum abhi hijab mein hai

zamane bhar ka talawwun tere shabab mein hai

zamir-e-lauh-o-qalam jis se pech-o-tab mein hai

wo raaz mere dil-e-KHanuman-KHarab mein hai

tasawwur us ka mere dida-e-pur-ab mein hai

jo be-hijab bhi ho kar abhi hijab mein hai

nigah-e-husn se azal jau kaundi thi

wo barq dekh mere saghar-e-sharab mein hai

bas ek sabza-e-begana par nahin mauquf

ye wo chaman hai jahan zarra zarra KHwab mein hai

likha tha kilk-e-azal ne jo husn-o-masti par

wo tabsira bhi teri chashm-e-nim-KHwab mein hai

bilittifaq tum ab ban gae na markaz-e-husn

yahi to baat mere husn-e-intiKHab mein hai

KHayal-e-tark-e-mohabbat durust 'faiz' magar

main puchhta hun ye imkan aan-janab mein hai